काठमाडौं । गायक तथा मोडल दुर्गेश थापाविरुद्ध प्रहरीमा उजुरी दिएका टिकटकर रिदम क्षेत्री उर्फ ह्यान्सी ब्रोले आरोप फिर्ता लिएका छन् ।
रिदमले टोखामा भएको म्युजिक भिडियो कलाकारहरूको पिकनिकका क्रममा दुर्गेशले आफूमाथि कुटपिट गरेको भन्दै प्रहरीमा उजुरी दिएका थिए ।
प्रहरीले दुवै पक्षलाई बोलाएर छलफल गराएको थियो । छलफलपछि दुवैले अब एक–अर्का विरुद्ध नबोल्ने भनेर मिलापत्र गरेका प्रहरीले बताएको छ । मिलापत्र गर्दै रिदमले आफूले अरूको उक्साहटमा दुर्गेशमाथि जथाभाबी बोलेको भन्दै माफी मागेका थिए ।
दुर्गेशले पनि अब आइन्दा यो विषयलाई इस्यू नबनाउने प्रतिबद्धतासहित मिलापत्र गरेको बताईएको छ।
