काठमाडौँ । सभामुख देवराज घिमिरेले खेलकुद क्षेत्रलाई सुव्यवस्थित बनाउनसके राष्ट्र र राष्ट्रियतालाई माथि उठाउने बताउनुभएको छ ।
बिहीवार सार्वजनिक संस्थान खेलकुद विकास संघ नेपालद्वारा आयोजित १३ औं सार्वजनिक संस्थान खेलकुद प्रतियोगिताको उद्घाटन गर्दै यस्तो बताउनुभएको हो ।
उहाँले खेलकुदले शारीरिक, मानसिक विकास मात्रै नभइ सहकार्यलाई पनि बढाउन सहयोग गर्ने बताउनु भयो । उहाँले पहिला शारीरिक श्रमले शरीरलाई तन्दुरुस्त बनाउने गरेपनि मानिसहरु अहिले मानसिक काममा नै बढी केन्द्रित हुन पुगेकाले खेलकुदकै माध्यमबाट शरीरलाई तन्दुरुस्त राख्नुपर्ने अवस्था रहेको बताउनु भयो । उहाँले सार्वजनिक संस्थानहरुले गर्ने खेल क्षेत्रका कार्यक्रमलाई तल्लो स्तरबाट नै अघि बढाउन सके खेलकुदमा युवाहरुको आकर्षण बढ्ने बताउनु भयो ।
उहाँले भन्नुभयो, ‘खेलकुद हाम्रो शारीरिक, मानसिक विकास मात्रै होइन, विभिन्न इभेन्टमा सहकार्यको माध्यम पनि हो । राष्ट्र र राष्ट्रियतालाई माथि उठाउने माध्यम र शरीरलाई स्वास्थ्य बनाउन चाहिन्छ । हाम्रो समाज विकासमा हिजोको शारीरिक श्रमले शरीरलाई तन्दुरुस्त बनाउँथ्यो भने अहिले सकि नसकी त्यसबाट टाढा हुने र मानसिक काममा नै लाग्नुपर्ने र शहरीया परिवेसमा त अझ महत्व बढेको छ ।
सार्वजनिक संस्थानहरु मिलेर खेलकुदको क्षेत्रमा केही गरौँ भनेर लाग्नुभएको छ, यसले खेलका विभिन्न क्षेत्रमा योगदान पुगेको छ । सार्वजनिक संस्थानहरु आय, आर्जनका महत्वपूर्ण क्षेत्र हुन् । वित्तीय कारोबार गर्ने विभिन्न संघ, संस्थानहरु उनीहरुले कमाएको केही निश्चित प्रतिशत सामाजिक क्षेत्रमा खर्च गर्नुपर्ने बाध्यत्मक परिस्थिति छ । यस्तो बेलामा सार्वजनिक संस्थानका कर्मचारीको बीचमा यस्ता कार्यक्रमलाई राष्ट्रव्यापी बनाउने, तल्लै स्तरबाट प्रतियोगिता गर्दा खेलकुदलाई आकर्षक बनाउन सक्छ । नेपालले खेलकुदमा केही प्रगति गरिरहेको छ । उल्लेखनीय भुमिका निभाउँदै आएको छ, यसलाई सुव्यवस्थित ढंगबाट खेललाई विकास गर्न योगदान पु¥याउनेछ । खेलले हाम्रो आत्मियता र गौरवलाई अघि बढाउनेछ ।’
सभामुख घिमिरेले खेलकुदलाई सुव्यवस्थित बनाएर खेल क्षेत्रको विकास गर्न आवश्यक रहेको बताउँदै खेलकुदले देशमा आत्मियता र गौरव बढाउने बताउनु भयो । उहाँले नेपालले खेलकुदमा प्रगति गरिरहेपनि पर्याप्त नभएको बताउनु भयो ।
