काठमाडौं । नेपाली काँग्रेस पदाधिकारी तथा पूर्व पदाधिकारीको बैठक प्रधानमन्त्रीको सरकारी निवास बालुवाटारमा सुरु भएको छ ।
अपरान्ह ३ बजे बैठक सुरु भएको बैठकमा पार्टीका पदाधिकारी तथा पूर्व पदाधिकारी अतिरिक्त अन्य नेताहरु पनि सहभागी हुनुहुन्छ ।
मंगलबार सभापति शेरबहादुर देउवा प्रधानमन्त्री भएपछि बालुवाटारमा काँग्रेस बैठक बसेको छ ।
बैठकमा पार्टीको १४ औं महाधिवेशन र पार्टीबाट सरकारमा पठाउने मन्त्रीका सन्दर्भमा छलफल भइरहेको स्रोतले बतायो ।
आज बिहान मात्र बालुवाटार प्रवेश गर्नुभएको प्रधानमन्त्री देउवाले पदाधिकारी बैठक बालुवाटारमै डाक्नुभएको हो ।
