एजेन्सी । शाहरुख खानको आगामी फिल्म ‘पठान’ २५ जनवरीमा रिलिज हुँदैछ । यसैबीच फिल्मले रिलिज हुनुअघि नै करिब १०० करोड कमाई गरेको छ । फिल्मको ओटीटी राइट्स रिलिज हुनुअघि नै करिब १०० करोडमा बिक्री भएको हो ।
रिपोर्टका अनुसार अमेजन प्राइमले महँगो मूल्यमा फिल्मको ओटीटी अधिकार किनेको छ । चलचित्र मार्चको अन्त्यमा वा अप्रिलको सुरुमा ओटीटीमा स्ट्रिम हुन सक्छ ।
पठान रिलिज हुनुअघि नै धेरै विवादमा परेको छ । फिल्मको ‘बेशरम रंग’ गीतलाई लिएर चर्को विवाद भएको छ ।
शाहरुख खान पठानलाई लिएर करिब चार वर्षपछि ठूलो पर्दामा फर्किएका छन् । उनका फ्यानहरुले यो फिल्मबाट धेरै अपेक्षा गरेका छन् । शाहरुख यसअघि २०१८ मा फिल्म ‘जिरो’ मा देखिएका थिए ।
यी चार वर्षमा शाहरुख धेरै फिल्ममा क्यामियो गर्दै देखिएका छन् तर मुख्य भूमिकामा उनी पठानबाटै कमब्याक गर्न लागेका हुन् । उनले आफ्नो यो फिल्मका लागि निकै मेहनत गरेका छन् ।
फिल्मको बजेट पनि करिब २५० करोड रहेको बताइएको छ । अब मिडियामा आएको खबर अनुसार फिल्मले रिलिज हुनुअघि नै राम्रो कमाई गरेको छ ।
फिल्मको मिडिया अधिकार करिब १०० करोडमा बिक्रि भइसकेकाले यो हिसाबले फिल्मले आधा बजेट निकालिसकेको छ । सिद्धार्थ आनन्दको निर्देशन रहेको यस फिल्ममा शाहरुख र दीपिकासँगै जोन अब्राहम पनि प्रमुख भूमिकामा छन् ।
