काठमाडौं । कतारमा जारी फिफा विश्वकपमा पोल्याण्डले पहिलो जित निकालेको छ । एजुकेशन सिटी स्टेडियममा भएको खेलमा पोल्याण्डले साउदी अरेयिाबलाई २–० गोल अन्तरले पराजित गरेको हो ।
पोल्याण्डलाई जित दिलाउन ३९ औं मिनेटमा प्रिटो जिलेन्स्की र ८२ औ मिनेटमा कप्तान रोर्बट लेवान्डोस्किले गोल गरे । लेवान्डोस्कीको विश्वकप करिअरमा यो पहिलो गोल समेत हो ।
पहिलो हाफको इन्जुरी समयमा साउदी अरेबियाले बराबरी गर्ने अबसर गुमायो । पोल्याण्डका गोलकिपर सेज्नीले उत्कृष्ट पेनाल्टी बचाउ गरे ।
साउदीका सलिम अल्डासरीको पेनाल्टी प्रहारलाई सेज्नीले सानदार बचाउ गरेका हुन् । त्यसपछिको रिबाउन्ड बललाई पनि सेजनीले बचाउ गर्दै गोल हुन दिएनन् ।
पहिलो खेलमा मेक्सिकोसँग गोलरहित बराबरीमा रोकिएको पोल्याण्डले दोस्रो खेलमा जित हात पारेको हो ।
जितसँगै पोल्याण्ड समूह ‘सी’ को शीर्ष स्थानमा छ भने साउदी दोस्रो स्थानमा रहेको छ । आज नै यस समूहका अर्जेन्टिना रमेक्सिकोबीचमा खेल हुदैछ । उक्त खेल राति १२ः४५ बजे सुरु हुनेछ ।
