धनगढी । नेकपा (एकीकृत समाजवादी) धनगढी उपमहानगर कमिटी अध्यक्ष मदन रेग्मी नेकपा (एमाले) मा प्रवेश गरेका छन् । एमाले सुदूरपश्चिम इन्चार्ज लेखराज भट्टको निवास अत्तरियामा शुक्रबार बिहान आयोजित कार्यक्रममा नेता रेग्मीसहित कार्यकर्ता एमालेमा प्रवेश गरेका हुन् ।
एमाले अध्यक्ष केपी शर्मा ओलीले उनीहरुलाई टीका र खादा लगाएर पार्टी प्रवेश गराउनुभएको हो । एमाले पार्टी प्रवेश गर्नेमा एकीकृत समाजवादी निकट युवा संघ नेपालका स्थायी कमिटी सदस्य राजेन्द्र बम, पार्टी जिल्ला सचिवालय सदस्य भक्तराज जोशी, अखिल नेपाल किसान महासंघका केन्द्रीय सदस्य रमेश धामी, धनगढी उपमहानगर कमिटी सदस्य चक्र कुँवर, अखिल नेपाल महिला संघकी नगर कमिटी सचिव पवित्रा बोहरा पनि रहेका छन् ।
त्यस्ते नेत्रविक्रम चन्द नेतृत्वको नेपाल कम्युनिष्ट पार्टीका जिल्ला कमिटी सदस्य खुस्बु राना, नेपाली कांग्रेसका क्रियाशील सदस्य तथा गोदावरी नगर कमिटी सदस्य बाली साउद पनि एमाले प्रवेश गरेको एमालेले जनाएको छ ।
