एजेन्सी । फ्रान्सेली स्टार पाउल पोग्बाले विश्वकप फुटबल गुमाउने भएका छन् । चोटका कारण पोग्बाले कतारमा हुने विश्वकप फुटबल गुमाउने भएका हुन् ।
विश्वकप अघि पोग्बा निको हुने अपेक्षा गरिएको थियो । तर, उनका एजेन्टले जानकारी दिदै पोग्बा आसन्न विश्वकपको हिस्सा नहुने बताएका छन् ।
उनको घुँडामा चोटको समस्या देखिएको छ । फ्रान्सका अर्का स्टार एनगोलो कान्टे यसअघिनै विश्वकप बाहिर रहने पक्का भइसकेको छ ।
फ्रान्सले पछिल्लो विश्वकपको उपाधि उचाल्दा पोग्बा र कान्टे टिमका महत्वपुर्ण हिस्सा थिए । सेप्टेम्बरमा दाहिने घुडाको सल्यक्रियापछि पोग्बालाई लगभग दुई महिना टिम बाहिर राखिएको थियो ।
आगामी नोभेम्बर २० देखि कतारमा विश्वकप आयोजना हुँदैछ । फ्रान्सले नोभेम्बर २२ को मध्यरातमा अष्ट्रेलियाविरुद्ध खेल्दै विश्वकपको सुरुवात गर्नेछ ।
