काठमाडौँ । जनता समाजवादी पार्टी (जसपा) ले तयार पारेको घोषणापत्रमा ‘जनयुद्ध’ र ‘ओली प्रतिगमन’ शब्द हटाएको छ ।
जसपामा डा बाबुराम भट्टराई रहँदा हरेक राजनीतिक दस्तावेजमा प्रयोग गरिएको ‘जनयुद्ध’ को स्थानमा ‘दश वर्षे सशस्त्र विद्रोह’ भनी उल्लेख गरिएको छ । त्यस्तै यसअघिको घोषणापत्रमा प्रयोग भएजस्तो ‘ओली प्रतिगमन’ र एमालेबारे कुनै उल्लेख गरिएको छैन ।
आसन्न निर्वाचनमा एमालेसँग चुनावी तालमेल गरी उम्मेदवारी दिएको जसपाले ‘सबैलाई शिक्षा, स्वास्थ्य, रोजगार र पहिचान, जसपा नेपालको छाता चिह्नमा मतदान’ लाई पार्टीको चुनावी मूल नारा बनाएको छ ।छ ।
आगामी मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि तयार पारेको ३६ पृष्ठको प्रतिबद्धतापत्र नाम दिइएको घोषणापत्रमा संघीयता, समृद्धि, सुशासन, सामाजिक न्याय र समाजवादलाई राजनीतिक लक्ष्यका रुपमा प्रस्तुत गरिएको छ ।
