एजेन्सी । साउथ फिल्मका सुपरस्टार प्रकाश राजको हातको शल्यक्रिया सफलतापूर्वक सम्पन्न भएको छ । उनको मंगलबार दुर्घटनामा परी हात भाँचिएको थियो ।
बुधबार हैदराबादको एक प्राइभेट हस्पिटलमा उनको शल्यक्रिया भएको हो ।
प्रकाश राजले सामाजिक सञ्जालमा फोटो सेयर गर्दै आफ्नो हातको शल्यक्रिया भएको जानकारी दिएका हुन् ।
प्रकाशले फोटो सेयर गर्दै, ‘डेभिल इज ब्याक… शल्यक्रिया सफल । धन्यवाद प्रिय मित्र डा. गुरुवा रेड्डी’ भनेर क्याप्सन लेखेका छन् ।
उनको केजीएफ २, पुष्पा, एनिमी, पोनीइन सेल्भन लगायतका फिल्महरुमा देखा पर्दैछन् ।
