काठमाडौँ । पूर्व सांसद् एवं नेपाली कांग्रेसका नेता जगन्नाथ पौडेलले चितवन–३ बाट स्वतन्त्र उम्मेदवारी दिने हुनुभएको छ ।
सत्ता गठबन्धनको तर्फबाट भने सो क्षेत्रमा नेकपा (माओवादी केन्द्र) ले डा भोजराज अधिकारीलाई उम्मेदवार बनाएको छ ।
गएको स्थानीय निर्वाचनमा पनि पौडेलले भरतपुर महानगरपालिकाबाट मेयरमा स्वतन्त्र उम्मेदवारी दिनुभएको थियो । सत्ता गठबन्धनले माओवादी केन्द्रका रेनु दाहाललाई उम्मेदवार बनाएपछि पौडेलले बागी उम्मेदवारी दिएर करिब १५ हजार मत प्राप्त गर्नुभएको थियो ।
आगामी मंसिर ४ गते हुने प्रतिनिधिसभाको प्रत्यक्षतर्फको निर्वाचनमा चितवन ३ बाट कांग्रेस कार्यकर्ताको दबाबमा उम्मेदवारी दिन लागेको उहाँले बताउनुभएको छ ।
