एजेन्सी । अफगानिस्तानमा बिग्रिएको हालतबीच अमेरिकामा रहेका अफगानी जनताले अमेरिकी राष्ट्रपति भवन ह्वाइट हाउसबाहिर विरोध प्रदर्शन गरेका छन् ।
उनीहरुले अफगानिस्तानको अहिलेको अवस्थामा अमेरिकी राष्ट्रपति जो बाइडेनलाई जिम्मेवार ठहरेका छन् । प्रदर्शनकारीहरुले बाइडेनलाई धोका दिएको आरोप समेत लगाएका छन् ।
उनीहरुले २० वर्षपछि फेरि सन् २००० को हालतमा आएको बताएका छन् । उनीहरुले बाइडेन तिमी यसको मुख्य जिम्मेवार हौ भन्दै नारा लगाएका छन् ।
अमेरिकी सेनालाई फिर्ता बोलाएको २० दिनभित्र पूरा अफगानिस्तानलाई तालिबानले कब्जामा लिएका छन् ।
अमेरिकी राष्ट्रपति बाइडेनले चुनाव जितेपछि अफगानिस्तानबाट अमेरिकी एवं न्याटो सैनिकलाई फिर्ता बोलाउने निर्णय गरेका थिए ।
बाइडेनले अमेरिकी सेनाले अफगानिस्तान छाड्ने बताएसँगै तालिबानको वर्चस्व बढेको हो ।
