काठमाडौ । सरकारले राजनीतिक दल विभाजन गर्नका लाागि केन्द्रीय समिति वा संसदीय दलमा २० प्रतिशत सदस्य भए पुग्ने प्रावधान सहितको अध्यादेश जारी गर्ने तयारी गरेको छ ।
बालुवाटारमा बसिरहेको मन्त्रीपरिषद्को बैठकमा यस बारेमा छलफल भै रहेको प्रधानमन्त्रीको सचिवालय श्रोतले जानकारी दिएको छ ।
कति प्रतिशत राख्ने भन्ने बिषयमा अन्योल रहेको बेला नेता माधव नेपालले २० प्रतिशत राख्न सुझाब दिएपछि राजनीतिक दल सम्बन्धी ऐन २०७३ मा संशोधन गर्दै अध्यादेश मस्यौदा तयार पारिएको हो ।
अध्यादेश आजै राष्ट्रपति समक्ष पेश गरिने पनि स्रोतले जानकारी दियो । प्रदेश र स्थानिय तहका जनप्रतिनिधिहरुले अध्यादेश जारी भएको २१ दिन भित्र आफुले रोजेको राजनीति दलमा जान पाउने व्यवस्था पनि अध्यादेशमा गरिएको छ ।
