काठमाडौं । नेकपा एमालेले एमालेको सूर्य चिन्ह लिएर निर्वाचित लुम्बिनी प्रदेशका सांसदद्वय अजय शाही र विमला खत्री ओलीलाई पदमुक्त गर्न पत्राचार गरेको छ।
प्रदेशसभामा एमालेका मुख्यसचेत भुमिश्वर ढकालले शाही र विमला ओलीले पार्टीको विधान र संसदीय दलको विधान, नियम र पार्टीको निर्देशनविपरीत गतिविधि गरेको भन्दै पदमुक्त गर्न प्रदेशसभा सचिवालयलाई पत्राचार गरिएको बताए ।
शाही २०७४ सालमा सम्पन्न प्रदेशसभा सदस्य निर्वाचनमा नवलपरासीको क्षेत्र नं १ ख बाट सूर्य चिन्ह लिएर विजयी बनेका थिए भने विमला खत्री ओली एमाले नेता उत्तर कुमार ओलीको निधनपछि २०७६ सालमा तत्कालीन नेकपाको तर्फबाट दाङको निर्वाचन क्षेत्र नं ३ ख बाट निर्वाचित भएकी हुन् ।
