काठमाडौं । भोलिदेखि काठमाडौंमा रहेका विद्यार्थीहरुले कोभिड–१९ विरुद्धको भेरोसेल खोपको पहिलो डोज पाउने भएका छन् । कक्षा ११ र १२ मा अध्यानरत्त विद्यार्थीहरुले कोभिड–१९ विरुद्धको भेरोसेल खोपको पहिलो डोज पाउने भएका हुन् ।
१८ वर्षमाथिका प्लस टु अध्ययनरत विद्यार्थीहरुलाई विश्व विद्यालय तहको परीक्षाको प्रवेश पत्रका आधारमा खोप दिइने स्वास्थ्य कार्यालय काठमाडौंका प्रमुख बद्रीबहादुर खड्काले बताए । खोप अभियान भदौ ४ गतेदेखि ६ गतेसम्म सञ्चालन हुनेछ ।
स्वास्थ्य कार्यालय काठमाडौंले सशस्त्र प्रहरी अस्पताल बलम्बु, वीरेन्द्र सैनिक अस्पताल छाउनी, राधास्वामी आइसोलेसन सेन्टर सामाखुसी, नेपाल प्रहरी अस्पताल महाराजगञ्ज, वीर अस्पताल रत्नपार्क, निजामति कर्मचारी अस्पताल वानेश्वर, परोपकार प्रसूती गृह तथा स्त्रीरोग अस्पताल थापाथलीलाई खोप केन्द्र तोकेको छ ।
यस्तै शिक्षण अस्पताल महाराजगञ्ज, काठमाडौं महानगरपालिकाका ३२ वटा वडाहरु र आवश्यकता अनुसार पालिकाले तोकेको थप खोप केन्द्रमा पनि विदार्थीहरुले खोप लगाउन पाउने छन् ।
अन्य नगरपालिकाको हकमा सोही पालिकाले तोकेको खोप केन्द्रमा विद्यार्थीहरुले खोप लाउन पाउने स्वास्थ्य कार्यालय काठमाडौंले जनाएको छ ।
