नेपाल र केन्याबीचको दोस्रो एकदिवसीय क्रिकेटमा नेपालले केन्यालाई २३१ रनको लक्ष्य दिएको छ ।
नैरोवीस्थित जिमखाना क्रिकेट मैदानमा शनिबार टस जितेर पहिले ब्याटिङ गरेको नेपालले ४९.२ ओभरमा सबै विकेट गुमाएर २३० रन बनाएको थियो ।
नेपालका लागि कप्तान रोहितकुमार पौडेलले सर्वाधिक ७८ रन बनाए । देव खनालले ३७, सोमपाल कामीले २६ र ज्ञानेन्द्र मल्लले २५ रन बनाए ।
केन्याका नेहमिह ओडिएम्बो, शेम गोचे र भिराज पटेलले २, २ विकेट लिए ।
हाल केन्या भ्रमणमा रहेको नेपाली टोलीले तीन एक दिवसीय क्रिकेट खेल्दैछ, तर केन्या आइसिसीको बरियतामा नपरेका कारण यस शृंखलालाई अन्तर्राष्टिय मान्यता भने दिइएको छैन ।
नेपालले शुक्रबार भएको पहिलो एक दिवसीयमा पनि केन्यालाई पराजित गरेको थियो । यसअघि दुबै देशबीच भएको पाँच खेलको टी२० क्रिकेट शृंखलामा नेपाल ३-२ ले विजयी भएको थियो ।
