काठमाडौँ । राष्ट्रपति विद्यादेवी भण्डारीले नागरिकता बिधेयकका बारेमा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ सहितको टोली संग छलफल गर्नुभएको छ ।
अध्यक्ष प्रचण्ड सहित माओवादी नेताको टोली शीतल निवास गएको थियो । प्रचण्डलेअंगिकृत नागरिकताको बारेमा राष्ट्रपतिले राख्नु भएको चासो र आफूहरुको धारण समान रहेको जानकारी गराउनु भएको थियो ।
प्रचण्डले संसदमा यो विषयमा राष्ट्रिय सहमति बन्न नसकेका कारण विधेयकमा कुनै नयाँ व्यवस्था नगरिएको जानकारी गराउनु भयो । प्रचण्डको सचिवालयका अनुसार उहाँले यसबारे पार्टीको धारणाा संसदमा रेकर्ड गराएको बताउनुभयो ।
उहाँले सरकारले पनि यसबारे राष्ट्रिय सहमति बनाएर विधेयक ल्याउने प्रतिबद्धता जनाएको उल्लेख गर्दे तत्काल जन्मसिद्ध नागरिकका सन्ततिहरु राज्यविहिन बन्ने अवस्था अन्त्य गर्नका लागि यो विधेयक ल्याइएको जानकारी गराउनुभयो ।
दाहालको सचिवालयका अनुसार यो विधेयक तत्कालीन प्रधानमन्त्री केपी ओली पेश गरि राष्ट्रपति द्वारा प्रमाणीकरण गरिएको अध्यादेशको व्यवस्था अनुसार रहेको दाबी गर्नुभयो । उहाँले यसलाई अनावश्यक राजनीतिकरण गरिनु दुस्खद भएको पनि बताउनु भएको थियो ।
