काठमाडौँ । काठमाडौँ महानगरपालिकाका प्रमुख बालेन्द्र साहले अनधिकृतरुपमा निर्माण भएका सबैखाले संरचना हटाएरै छाड्ने बताएका छन् । काठमाडौँको न्यूरोड क्षेत्रमा त्यस्ता अनधिकृत संरचना हटाउन आफैँ पुगेका साहले अनधिकृतरुपमा बनाइएको संरचना हटाउन साना ठूला कसैलाई नछाड्ने बताए ।
उनका अनुसार नक्सा पास नगराई अनधिकृतरुपमा बनाइएको काठमाडौँ जिल्ला अदालतको संरचनासमेत हटाइने छ । उनले भने, “अवैध संरचना जसले बनाएको भए पनि त्यसलाई कानूनको दायरामा ल्याइन्छ ।”
बबरमहलमा बनाइएको काठमाडौँ जिल्ला अदालतको अन्डरग्राउन्ड पार्किङलाई अहिलेसम्म प्रयोगमा नल्याउँदा सडकको फुटपाथमै सेवाग्राहीले सवारी साधन पार्किङ गर्नुपरिरहेको छ ।
