काठमाडौं । गठबन्धन दलहरुबीच मन्त्रालय भागबण्डा टुंगिएको छ । काँग्रेस सभापति शेरबहादुर देउवा नेतृत्वको वर्तमान सरकारले मन्त्रालय भागबण्डा टुंग्याएको हो ।
नेपाली काँग्रेस,नेकपा माओवादी केन्द्र, एकीकृत समाजवादी र जनता समाजवादी पार्टी (जसपा) बीच ५ वटा मन्त्रालय पाउने सहमती भएको छ ।
कांग्रेसले शिक्षा मन्त्रालयमा दिलेन्द्रप्रसाद बडुलाई नियुक्त गरेर स्वास्थ्य, गृह, कानूनसहित ५ मा ४ कोटा पूरा गरेको छ ।
कानुन मन्त्रालयको हकमा सबै दलको सहमति हुने गरी एक जना नेकपा एकीकृत समाजवादीनिकट प्रतिष्ठित कानुन व्यवसायीलाई मन्त्री बनाउने सम्बन्धमा पनि गठबन्धनका शीर्ष नेताहरुले सहमति भएको छ ।
यसअघि प्रधानमन्त्रीसहित गृह, स्वास्थ्य र कानुन मन्त्रालय काँग्रेसको भागमा परिसकेपनि कानूनबाट अब ज्ञानेन्द्रबहादुर कार्की अर्कै मन्त्रालय दिने देउवाको तयारी रहेको छ ।
अर्थ र ऊर्जा मन्त्रालय माओवादी केन्द्रको भागमा परेको छ । अब एकीकृत समाजवादी र जसपाको भागमा बाँकी रहेकामध्ये महत्वपूर्ण मन्त्रालयसहित पाँच वटा पर्ने भएको हो ।
मुख्यगरी परराष्ट्र, शहरी विकास, स्थानीय र सामान्य प्रशासन, कृषि, वन, उध्योग, वाणिज्य तथा आपूर्ति,महिला, बालबालिका, श्रम, भौतिक योजना, पर्यटन, रक्षा, भूमिसुधार, सञ्चार मन्त्रालय अझै बाँकी छन् ।
एकीकृत समाजवादीबाट स्थायी समिति सदस्य बेदुराम भुसाल, जीवनराम श्रेष्ठ,रामकुमारी झाँक्री, प्रेम आले,मेटमणी चौधरी सरकारमा जाने सम्भावना रहेको बताइन्छ ।
