एजेन्सी । साउथ फिल्मका सुपरस्टार नागार्जुन अक्किनेनी आजदेखि ६१ वर्षमा लागेका छन् । २९ अगस्ट १९५९ मा जन्मिएका उनले बलिउड फिल्ममा समेत काम गरेका छन् ।
सन् १९८६ मा रिलिज फिल्म ‘विक्रम’ बाट साउथ फिल्म इन्डस्ट्रीमा डेब्यू गरेका उनले बलिउडमा भने फिल्म ‘शिवा’ बाट आफ्नो यात्रा सुरु गरेका थिए । अहिलेसम्म उनले ९० बढी फिल्ममा अभिनय गरिसकेका छन् ।
दुई विवाह गरेका नागार्जुनको पहिलो श्रीमती लक्ष्मी दग्गुबती संग १९९० मा डिभोर्स भएको थियो र दोस्रो श्रीमती भने अमालासँग १९८४ मा बिहे गर भने सम्बन्ध १९९० सम्ममात्र रह्यो ।
नागार्जुन ८ सय करोडको सम्पत्तिका मालिक हुन् । उनीसँग हैदराबादको जुबली हिल्समा करीब ४० करोडको एक आलिसान घर छ । उनी अन्नपूर्णा स्टूडियो प्रोडक्सन कम्पनीका मालिक पनि हुन् । जुन ७ एकडमा फैलिएको छ ।
योसँगै उनी अन्नपूर्णा इन्टरनेशनल स्कूल अफ फिल्म एन्ड मिडियाको अध्यक्ष हुन् । उनले हैदराबादमा केही रेस्टुरेन्ट पनि सञ्चालन गर्दै आएका छन् ।
नागार्जुन कारका शौखिन पनि हुन् । उनीसँग थुप्रै कारहरुको कलेक्शन छ । जसमध्ये रोल्स रोयस, बेन्टले, बीएमडब्ल्यू, रेन्ज रोवर र पोर्शे रहेका छन् ।
नागार्जुनले आफ्नो करिअरको सुरुवात बाल कलाकारको रुपमा गरेका थिए । उनले १९६७ मा आएको फिल्म ‘सुदिगुंदालु’ बाट बाल कलाकारको रुपमा डेब्यू गरेका थिए । यसमा उनका पिता मुख्य भूमिकामा थिए ।
१९८६ मा मुख्य नायकको रुपमा डेब्यू गरेका उनले आफ्नो करिअरमा कयौं उत्कृष्ट फिल्ममा अभिनय गरेका छन् । उनका दुई छोरा छन् । दुबै छोराहरु नागा चैतन्य र अखिल अक्किनेनी साउथका अभिनेता हुन् ।
