काठमाडौं । पोखराबाट काठमाडौं उडेको यती एयरलाइन्सको जहाजको इन्जिनमा खराबी आएको छ ।
आज बिहान पोखरा विमानस्थलबाट काठमाडौंका लागि भनेर उडेको यती एयरलाइन्सको नाइन एन एएनजी कलसाइन जहाजमा समस्या आएको हो ।
४५ जना यात्रु सवार जहाजको इन्जिनमा उड्दाउड्दै समस्या देखिएपछि जहाजलाई सकुशल अवतरण गराइएको हो ।
जहाज ८ बजेर ५४ मिनेटमा विमानस्थलबाट टेकअफ भएको थियो । इन्जिनमा समस्या देखिएपछि पाइलटले खबर गरेसँगै जहाज उडेको ६ मिनेटमै विमानस्थलमै सुरक्षित अवतरण गराइएको थियो ।
