काठमाडौं । सर्बोच्च अदातलको सबैधानिक ईजलासमा संवैधानिक आयोगहरुमा नियुक्ति भएका ५२ पदाधिकारी नियुक्तिविरुद्धको रिटको सुनुवाइ फेरि स्थगित भएको छ ।
आजबाट निरन्तर सुनुवाई हुने भनिएपनि विपक्षी बनाइएका संवैधानिक निकायका पदाधिकारीका कानून व्यवसायीले प्रश्न उठाएपछि सुनुवाइ स्थगित भएको हो ।
नियुक्ति विरुद्ध २०७७ पुस १ गते रिट दायर भएको थियो । कायममुकायम प्रधानन्यायाधीश दीपककुमार कार्की, न्यायाधीशहरू हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा, अनिलकुमार सिन्हाको सबैधानिक ईजलासमा सुनुवाई सुरु भएपछि बिपक्षी बनाईएका तर्फबाट बहस गर्न उपस्थित भएका कानून व्यवासयीहरुले संवैधानिक नियुक्तिसम्बन्धी मुद्दा अहिले पनि संयुक्त इजलासमा रहेको र तिनलाई पनि संवैधानिक इजलासमा राखेर एकसाथ सुनुवाइ हुनुपर्ने माग राखे ।
उनिहरुको माग पछि सुनुवाइ स्थगित भएको हो । २०७८ मंसिर ३० मा तत्कालीन प्रधानमन्त्री केपी शर्मा ओली नेतृत्वको सरकारले प्रतिनिधिसभा विघटन भएको अवस्थामा अध्यादेश ल्याएर बिभिन्न सबैधानिक आयोगका ५२ पदाधिकारी नियुक्तिका लागि सिफारिस भएका थिए ।
