एजन्सी । युक्रेनमा रुसको आक्रमण शुक्रबार पनि लगातार जारी छ । युक्रेनको राजधानी कीभमा बिहान ७ वटा ठूला विस्फोट गराइएको छ ।
मानिसहरू रातदेखि घर, सबवे, भूमिगत आश्रयमा लुकेर बसेका छन् । खाद्यान्नदेखि दैनिक उपभोग्य वस्तुको अभाव बनेको छ ।
युक्रेनको रक्षा मन्त्रालयले नागरिकहरूलाई रुसी सैन्य उपकरणको आवतजावतबारे अद्यावधिक रहन आग्रह गरेको छ । साथै उनीहरुमाथि पेट्रोल बम प्रहार गर्न पनि भनेको छ ।
युक्रेनी राष्ट्रपति भोलोदिमिर जेलेन्स्कीले रुसी सेना राजधानीमा प्रवेश गरेको दाबी गरेका छन् । रूसी ट्याङ्कहरू यहाँबाट मात्र ३२ किलोमिटर मात्र टाढा छन्।
तिनीहरूलाई रोक्न, युक्रेनी सेनाले तीनवटा पुलहरू उडाएको बताइएको छ। जेलेन्स्कीले आगामी ९६ घण्टा अर्थात ४ दिनमा किभलाई रुसले कब्जामा लिने आशंका गरेका छन् । रुसी सेनाले आवासीय क्षेत्रलाई निशाना बनाएको उनी बताउँछन् । उनले रुसी नागरिकलाई यस युद्धको विरोध गर्न अपिल गरेका छन् ।