काठमाडौं । नेकपा एमाले अध्यक्ष केपी शर्मा ओलीले काठमाडौं महानगरपालिकाका मेयर बालेन्द्र शाह (बालेन)लाई तबला उपहार दिएका छन् ।
बुधबार साँझ ओली निवास बालकोट पुगेका मेयर शाहलाई पूर्वप्रधानमन्त्रीसमेत रहेका ओलीले तबला उपहार दिएका हुन् ।
भेटवार्तापछि ओलीले बालेनलाई तबला उपहार दिएको एमाले नेता कर्णबहादुर थापाले जानकारी दिए । मेयर शाहको यो ओलीसँगको दोस्रो भेट हो । यसअघि पनि शाह बालकोट पुगी ओलीसँग भेटवार्ता गरेका थिए ।
