काठमाडौँ । सभामुख अग्निप्रसाद सापकोटाले उपसभामुख निर्वाचनका लागि यही असार ३१ गतेको दिन तोक्नुभएको छ । बुधबार बसेको प्रतिनिधिसभाको बैठकमा सभामुख सापकोटाले उपसभामुखको निर्वाचनका लागि कार्यतालिका सार्वजनिक गर्नुभएको हो ।
उपसभामुखको पद २०७६ माघदेखि रिक्त हुँदै आएको छ । रिक्त रहेको उपसभामुख पदको पूर्तिका लागि सभामुखले निर्वाचन कार्यतालिका दैनिक कार्यसूचीमा राख्न लगाउनुभएको थियो ।
