काठमाडौँ। राष्ट्रियसभा सदस्य डा. खिमलाल देवकोटाले मुलुकमा सरकार छ कि छैन भन्दै प्रश्न गर्नुभएको छ । राष्ट्रियसभाको बैठकमा बोल्दै सासंद देवकोटाले आफूले पटक पटक सरकार खोजेको बताउनुभयो ।
“यो मुलुकमा सरकार छ कि छैन ? सरकार कसले चलाएको छ ? मैले बुझ्न सकेको छैन । ललितपुरको भैँसेपाटी जाने ५०० मिटर मात्र सडक छ । त्यो सडक बनाउन मैले दर्जनचोटि विभागीय मन्त्रालयका कर्मचारीलाई हार गुहार गरिसकेँ”,।
उहाँले भन्नुभयो, “यो विषयमा राष्ट्रिय योजना आयोगका उपाध्यक्ष विश्व पौडेल, दुई चोटि अर्थमन्त्री हुनु भएका विष्णु पौडेल, तत्कालीन भौतिक योजनामन्त्री रघुवीर महासेठ, पूर्वमन्त्री वामदेव गौतम हिँड्ने त्यो बाटो जम्मा ५०० मिटर छ ।
६ वर्षदेखि लथालिङ्ग छ, भद्रगोल छ र ५०० मिटर बाटो बनाउन कति पटक यो सरकारलाई भन्ने यो मुलुकमा सरकार छ कि छैन ? हामीले कतिचोटि हारगुहार गर्ने ? यो विषयमा सम्बन्धित मन्त्रीले यो संसदमा जवाफ दिन अनुरोध गर्दछु ।
