काठमाडौँ । नेकपा (एकीकृत समाजवादी) का सम्मानित नेता झलनाथ खनालले संसद् राम्रोसँग चल्न र काम गर्न नपाउँदा गैरदलीय प्रवृत्ति बढ्ने बताएका छन् ।
संसद् दिवसका अवसरमा आयोजित एक कार्यक्रममा उनले सनकको भरमा संसद विघटन गर्दा मुलुकमा गैरदलीय प्रवृत्तिको विकास भएको बताए ।
संसद् विघटन गरेर गैरदलीय प्रवृत्तिको विकास भएर नै स्थानीय तहको निर्वाचनमा जनताले गैरदलीय उम्मेदवारलाई जिताएको उनको भनाइ थियो ।
संसद्लाई जनता र राष्ट्रियताको बहसको थलो बनाउनु पर्नेमा उनले जोड दिए ।२०७४ को निर्वाचनपछि बनेको दुई तिहाइ बहुमतको सरकारले राम्ररी काम गर्न नसकेको उनको टिप्पणी थियो ।
