काठमाडौँ । आज मन्त्रिपरिषद्को बैठक बस्दैछ । प्रधानमन्त्री निवास बालुवाटारमा आज दिउँसो ३ बजे मन्त्रिपरिषद्को बैठक बस्न लागेको हो ।
मन्त्रिपरिषद् सदस्यहरुको हेरफेरका कारण सोमबार नियमित बस्नुपर्ने मन्त्रिपरिषद्को बैठक आज बस्न लागेको हो । यद्यपि प्रधानमन्त्रीको सचिवालयले आजको बैठकलाई नियमित भनेको छ ।
आइतबार प्रधानमन्त्री शेरबहादुर देउवाले मन्त्रिपरिषद् हेरफेर गर्नुभएको थियो । नेकपा (एकीकृत समाजवादी) बाट चार मन्त्री र एक राज्यमन्त्री समेटेर मन्त्रिपरिषद् हेरफेर भएको थियो । मन्त्री तथा राज्यमन्त्रीहरुले पद तथा गोपनीयताको शपथ लिएर पदभार ग्रहण गरिसक्नुभएको छ ।
एकीकृत समाजवादीबाट संस्कृति, पर्यटन तथा नागरिक उड्डयनमन्त्री जीवनराम श्रेष्ठ, सहरी विकासमन्त्री मेटमणि चौधरी, स्वास्थ्यमन्त्री भवानीप्रसाद खापुङ, श्रम तथा रोजगारमन्त्री शेरबहादुर कुँवर र स्वास्थ्य राज्यमन्त्री हिराचन्द्र केसी नयाँ मन्त्रिपरिषद्मा समावेश हुनुभएको हो ।
