तनहुँ । तनहुँको भिमाद नगरपालिका-३ स्थित बाल शैक्षणिक माविमा पानी शुद्धीकरण यन्त्र (युरोगार्ड) जडान गरिएको छ ।
उक्त विद्यालयमा स्वच्छ खानेपानीको अभावले विद्यार्थीहरुले समस्या भोग्दै आइरहेका थिए । त्यस समस्यालाई मध्यनजर गर्दै शुक्रबार एक कार्यक्रमकाबीच युरोगार्ड जडान गरिएको हो ।
साना किसान विकास लघुवित्त वित्तीय संस्था इलाका कार्यालय पोखरा र माझकोट साना किसान कृषि सहकारी भिमाद – ३ बाट २ लाख पैंतालिस हजार एवं विद्यालयको आन्तरिक स्रोतबाट ४५ हजार गरी २ लाख ९० हजार बराबरको यन्त्र जडान गरिएको माझकोट साना किसान कृषि सहकारी संस्थाका प्रबन्धक सुन्दर तिमल्सेनाले जानकारी दिए ।
कार्यक्रमलाई सम्बोधन गर्दै प्रमुख अतिथि साना किसान विकास लघुबित्त वित्तीय संस्था इलाका कार्यालय पोखरा का ईलाका प्रबन्ध बिदुर अर्यालले साना किसान वित्तिय संस्था भएपनी लामो समयदेखि सामाजिक कार्यहरूमा अग्रसर हुँदै आईरहेको बताए ।
यस्तै, विद्यालयमा युरोगार्ड जडान भए पश्चात विद्यार्थीहरु लगायत शिक्षकहरुले पनि शुद्द पानी उपभोग गर्न पाउने बाल शैक्षणिक माध्यमिक विद्यालयका प्राधानाध्यापक विजयराज गौतमले बताए ।
माझकोट साना किसान कृषि सहकारी संस्थाले सामाजिक कार्य मा धेरै कामहरु गर्दै सहुलियत कर्जामा ऋण प्रदान, किसान हरु लाई विभिन्न तालिम, पशुबिमा कार्यक्रम, कृषिजन्य कार्यक्रम एवं किसानहरुलाई सहयोग गर्दै आएको सहकारीका प्रबन्धक सुन्दर तिम्सिना र अध्यक्ष धन बहादुर थापा बताउँछन् ।
युरोगार्ड जडान गरी सहयोग पुर्याएकोमा विद्यालय व्यवस्थापन समितिका अध्यक्ष नवराज पौडेलले साना किसान विकास लघुवित्त वित्तीय संस्था लि र माझकोट साना किसान कृषि सहकारी संस्थालाई धन्यवाद व्यक्त गरेका थिए । कार्यक्रममा स्थानीय सरोकारवालाहरु एवं विद्यार्थीहरुको उपस्थिती रहेको थियो ।
