काठमाडौं । राष्ट्रिय युवा संघ नेपालले इम्बोस्ड नम्बर प्लेटमा अनियमितता भएको भन्दै छानबिनको माग गर्दै अख्तियार दुरुपयोग अनुन्धान आयोग, टंगाल, काठमाडौंमा उजुरी दिएको छ ।युवा संघ अध्यक्ष किरण पौडेल नेतृत्वको टोलीले टंगालस्थित अख्तियार दुरुपयोग अनुन्धान आयोग पुगेर उजुरी दर्ता गराएको हो ।
उजुरीमा अनियमिततामा सग्लन व्यक्तिमाथि छानबिन र कारबाहीको माग गरिएको छ । उजुरीमा विश्व बैंकले कालोसूचीमा राखेको कम्पनीलाई इम्बोस्ड नम्बर राख्ने ठेक्का किन दिनु परेको ? इम्बोस्ड नम्बर प्लेटमा देवनागरी लिपि किन राख्नु नपर्ने ? एक महिनाभित्रै इम्बोस्ड नम्बर प्लेट राख्नु पर्ने किन ? लगायतका बिषयमान पनि आयोगको ध्यानकर्षण गराएको छ ।
