काठमाडौबाट स्टल सेक्टरमा उडान हुने जहाजहरु आज कुनै पनि गन्तव्यमा उडेका छैनन् ।
उडान हुने गन्तव्यहरुको मौसम राम्रो भएपनि इनरुटको मौसम दिने कसले भन्ने अन्यौल रहेका कारण मौसमको जानकारी प्राप्त भएको छैन ।
यस सम्बन्धमा कन्ट्रोल टावर मौसम विभागलाई देखाउँछ, एअरलाईन्सहरुलाई मौसमको आधिकारिक जानकारी लिन समस्या भएको छ ।
आज भएको पर्वतीय उडानका पाईलट तथा अन्य नन-स्टलका पाइलटले इनरुटको मौसम राम्रो रहेको जानकारी दिएपनि उडानको अन्यौलता कायम छ ।
सम्बन्धित निकाएको समन्वय बिना भएका यस्ता हचुवा निर्णयले यात्रुहरूले सास्ती बेहोर्नु परेको छ ।निर्णय सही भएपनि, निर्णय कार्यान्वयनका लागि आवश्यक भौतिक पुर्वाधार र समन्वय गरि सुरक्षित उडान गर्ने वातावरण बनाउन पाईलटहरूले आग्रह गरेका छन् ।
पछिल्लो परिस्थितिका कारण आन्तरिक उडानको प्रतिक्षामा रहेका यात्रुहरू विमानस्थलमा अलपत्र परेका छन् ।
