• २३ असार २०७९, बिहीबार
  •      Thu Jul 7 2022
Logo

काठमाडौं महानगरः बालेन्द्रको अग्रता अझ फराकिलो, ५५,७७७ मत प्राप्त



काठमाडौं महानगरको मतगणना जारी छ । पछिल्लो विवरण अनुसार, महानगरको प्रमुखका प्रत्यासी स्वतन्त्र उम्मेदवार बालेन्द्र साहले ५५ हजार ७७७ मत ल्याइसक्नु भएको छ ।

दोस्रो स्थानमा रहनु भएकी नेपाली कांग्रेसकी सिर्जना सिंहले ३५ हजार ३७१ प्राप्त गर्नु भएको छ ।

तेस्रो स्थानमा रहनुभएका नेकपा एमालेका उम्मेदवार केशव स्थापितले ३४ हजार ६२६ प्राप्त गर्नु भएको छ । यसैगरी स्वतन्त्र उम्मेदवार सुमन सायमीले १० हजार ३२२ तथा राप्रपाका मदनदाश श्रेष्ठले २ हजार ९९६ मत प्राप्त गर्नु भएको छ ।

उपप्रमुखमा भने एमालेकी सुनिता डंगोलले फराकिलो अग्रता बनाउनु भएको छ । उहाँले ५१ हजार २०७ मत प्राप्त गर्नु भएको छ जबकी उहाँका निकटतम प्रतिस्पर्धी नेकपा एसका रामेश्‍वर श्रेष्ठले झण्डै एक तिहाई कम अर्थात १७ हजार ३४८ मत प्राप्त गर्नु भएको छ । दुई उम्मेदवारबीच झण्डै ३० हजारको मतान्तर रहेको छ ।