• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   राजस्थानलाई जिताउने पराग ज्वरो आएर तीन दिन विस्तारामा सुतेका थिए, पेनकिलर खाएर खेले ★   जुगल हिमाल आरोहणको अन्तिम तयारीमा ★   सूर्यग्रहणका कारण यस दिन सडक दुर्घटना बढ्ने, वैज्ञानिकले किन दिए यस्तो चेतावनी ? ★   इलाम-२ उपनिर्वाचन: रास्वपा सभापति लामिछाने इलाम जाँदै ★   अतिथि सत्कार घरबासमा विदेशी पर्यटक बढ्दै ★   बागमतीका मुख्यमन्त्री जम्कट्टेलले चैत १९ गते विश्वासको मत लिने ★   गुणस्तरीय काम नहुँदा राज्यलाई अतिरिक्त दायित्व थपियो : प्रधानमन्त्री ★   नेपाल ‘ए’ ले आयरल्यान्ड ‘ए’ विरुद्ध टस जित्यो, पहिला फिल्डिङ गर्ने ★   सार्वजनिक खरिद नियमावलीले हाम्रो राष्ट्रिय आवश्यकतालाई सम्बोधन गर्न सकेको छैन : प्रधानमन्त्री ★   हार्दिक पाण्ड्यासँग किन रिसाए मालिंगा ?

कांग्रेसले गरेको विजयी र्यालीमा एमालेले आक्रमण गर्दा छ घाइते



सांकेतिक तस्बिर

वीरगञ्ज । वीरगञ्जमा नेपाली कांग्रेसले गरेको विजयी र्यालीमा नेकपा (एमाले) ले आक्रमण गर्दा छ जना घाइते भएका छन् । वीरगञ्ज महानगरपालिका–२७ मा वडाध्यक्ष पदमा निर्वाचित भएपछि कांग्रेसले बिहीबार राति विजयोत्सव मनाएको थियो ।

एमालेका वडाध्यक्षका पराजित उम्मेदवारसहितको समूहले विजयोत्सवमा सहभागीमाथि आक्रमण गरेको कांग्रेसले आरोप लगाएको छ । आक्रमणमा परेका छ मध्ये अधिकांको टाउकोमा चोट लागेको बताइएको छ । पर्सा जिल्ला प्रहरीले सबैको अवस्था सामान्य रहेको जनाएको छ ।

सो वडाको अध्यक्ष पदमा कांग्रेसका हृदयनारायणप्रसाद कुर्मी एक हजार ५१६ मत ल्याई निर्वाचित भएका हुन् । पराजित एमालेका उम्मेदवार प्रदीपकुमार यादवले एक हजार ११६ मत पाएका थिए । यादव यसअघिको निर्वाचनमा वडाध्यक्षमा निर्वाचित भएका थिए ।

घाइतेहरुका अनुसार हृदयले वडाध्यक्षमा जितेको खुशीमा विजयउत्सव मनाइरहँदा पराजित एमालेका यादवसहितको समूहले लाठीले कुटपिट गरेका थिए । उनीहरुले एमालेलाई भोट नहाली कांग्रेसको विजयोत्सवमा किन गएको भन्दै कुटपिट गरेको घाइतेहरुले बताए ।

प्रहरीले सो घटनामा संलग्न भएको आरोपमा पराजित उम्मेदवार यादवसहित तीन जनालाई नियन्त्रण्मा लिएको बताइएको छ ।