तनहुँ । तनहुँको भानु नगरपालिकाको प्रमुख र उपप्रमुख दुवै पद नेपाली कांग्रेसले जितेको छ । नगरप्रमुखमा आनन्दराज त्रिपाठी १२ हजार २५२ मत ल्याई निर्वाचित भए । उनका प्रतिद्वन्द्वी नेकपा (एमाले) का सीतारमा बजगाईं नौ हजार ४३ मत हासिल गरी पराजित गरे ।
यसैगरी उपप्रमुख पदमा उमा गोतामे निर्वाचित भएकी छन् । उनले १० हजार ५४७ मत पाइन् । प्रतिस्पर्धी स्वतन्त्र उम्मेदवार केशरबहादुर गुरुङले पाँच हजार ८१७ मत प्राप्त गरे ।
भानु नगरपालिकामा १३ वटा वडा छन् । तीमध्ये नौ वटा वडामा नेपाली कांग्रेस, दुई वटामा एमाले र दुईवटामा स्वतन्त्र उम्मेदवारले वडाध्यक्ष पद जितेका छन् ।
