विराटनगर । मोरङको उर्लाबारी नगरपालिकाको मेयरमा एमालेका गंगाप्रसाद खरेल र उपमेयरमा मिनाकुमारी खतिवडा विजयी भएका छन् ।
खरेलले निवर्तमान मेयर कांग्रेसका खड्ग फागोलाई १ हजार ८ सय ६६ मतले पराजित गर्दै मेयरमा निर्वाचित भएका हुन् । खरेलले १२ हजार १ सय ५६ मत ल्याउँदा फागोले १० हजार २ सय ९० मत ल्याए ।
त्यसैगरी उपमेयरमा एमालेकी खतिवडा कांग्रेसकी सीता कार्कीलाई ८८ मतले हराउँदै विजयी भइन् । खतिवडाले १० हजार ७२८ मत ल्याउँदा कार्कीले १० हजार ६ सय ४० मत ल्याइन् ।
