मोरङको कानेपोखरी गाउँपालिकाको अध्यक्ष र उपाध्यक्षमा नेकपा एमाले विजयी भएको छ ।
मतगणनाको परिणाम अनुसार कानेपोखरीको अध्यक्षमा एमालेकी राजमति इङ्नाम र उपाध्यक्षमा भोला प्रसाद अधिकारी निर्वाचित भएको निर्वाचन अधिकृतको कार्यालयले जनाएको छ ।
अध्यक्षमा निर्वाचित इङ्नामले ८ हजार ९७५ मत प्राप्त गरी निर्वाचित भएकी हुन् । उनका निकटतम् प्रतिद्वन्द्वी नेपाली कांग्रेसका संजय भट्टराईले ६ हजार ४६ मत प्राप्त गरेका छन् । अध्यक्षमा निर्वाचित इङ्नाम यसअघि सोही पालिकाको उपाध्यक्ष थिइन् ।
त्यसैगरी उपाध्यक्षमा निर्वाचित अधिकारीले ९ हजार ५७० प्राप्त गरेका छन् । निकटतम् प्रतिद्वन्द्वी कांग्रेसकी मनकुमारी गुरुङले ७ हजार ८१८ मत प्राप्त गरेकी हुन् ।
कानेपोखरीमा एमालेले वडा नम्बर १ र ४ बाहेकका वडामा वडाध्यक्ष समेत जितेको छ । वडा नं। २ मा शुशिल बुढाथोकी, ३ मा गोपाल बहादुर कार्की, ५ मा चरण गुरुङ, ६ मा खड्ग बहादुर बस्नेत र ७ मा मोहन प्रसाद अधिकारी एमालेबाट वडाध्यक्ष निर्वाचित भएका छन् । कांग्रेसबाट १ मा रत्न बहादुर कार्की र ४ मा रमेश राउत विजयी भए ।
