काठमाण्डौं । अघिल्लो साता एक लाख पाँच हजारसम्म पुगेको सुनको मूल्यमा केही दिनदेखि निरन्तर गिरावट आएको छ ।
आइतबार सुनको मूल्य ६०० रुपैयाँले घटेको छ । शुक्रबार तोलाको ९९ हजार ८०० रुपैयाँमा कारोबार भएको सुन आइतबार ९९ हजार २०० रुपैयाँ कायम भएको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ तोलाको ९९ हजार २०० रुपैयाँ कायम भएको छ भने तेजावी सुनको मूल्य तोलाको ९८ हजार ७०० रुपैयाँ निर्धारण भएको छ ।
त्यस्तै चाँदीको भाउ भने प्रतितोलमा १० रुपैयाँले घटेको छ । शुक्रबार एक हजार ३८५ रुपैयाँमा कारोबार भएको चाँदीको मूल्य आज एक हजार ३७५ रुपैयाँ तोकिएको महासंघले जनाएको छ ।
