ललितपुर । ललितपुर महानगरपालिकामा नेपाली कांग्रेसका उम्मेदवार चिरीबाबु महर्जन र उपप्रमुखमा नेकपा एमालेकी मञ्जली शाक्यको अग्रता कायम रहेको छ ।
पछिल्लो विवरणअनुसार कांग्रेसका उम्मेदवार चिरीबाबुले ७९२० र एमालेका हरिकृष्ण ब्यञ्जनकारले ३४७६ मत पाउनुभएको छ । उपप्रमुखमा एमालेकी मञ्जलीले ४०४५ मत र नेकपा (माओवादी) का बाबुराजा बज्राचार्यले २५१७ मत पाउनुभएको छ । महानगरपालिकामा २९ वडा रहेकामा हालसम्म चार वडाको मात्रै परिणाम आएको छ ।
वडा नम्बर १ मा स्वतन्त्र उम्मेदवार निर्मल तण्डुकार, २ मा नेकपा (एकीकृत समाजवादी) का राजेशकुमार महर्जन र ३ मा श्रीगोपाल महर्जन, ५ मा नेकपा एमालेका विकासमान श्रेष्ठ विजयी हुनुभएको छ । हाल वडा नम्बर ४, ६ र ७ को गणना जारी रहेको छ ।
