तनहुँ । तनहुँको भिमाद नगरपालिका प्रमुख र उपप्रमुख दुबै पदमा नेकपा एमालेका उम्मेदवार विजयी भएका छन् ।
एमालेबाट प्रमुखमा दधिराज सुवेदी र उपप्रमुखमा शारदा खनाल निर्वाचित भएका हुन् ।
अन्तिम मत परिणाम अनुसार सुवेदीले ८ हजार १२८ मत प्राप्त गरे। उनका निकटतम प्रतिद्वन्द्वी एकीकृत समाजवादीका काजिमान श्रेष्ठले ५८५७ मत ल्याए ।
त्यस्तै, उपमेरमा खनाल ७ हजार ६६७ मतसहित विजयी भइन्। उनी दोस्रो कार्यकालका लागि उपमेयरमा चुनिएकी हुन् । उनका प्रतिस्पर्धी नेपाली कांग्रेसका मिलन आलेले ७ हजार २०५ मत प्राप्त गरे । भिमादमा कांग्रेस र समाजवादीले गठबन्धन गरेर चुनाव लडेका थिए ।
वडा रहेको भिमादमा पाँच वडा एमालेले जितेको छ भने चार वडा कांग्रेसले जित्यो । भिमाद २,३,७,८,९ वडामा एमाले विजयी बन्दा १,४,५,६ मा कांग्रेस विजयी बनेको हो ।
कांग्रेसले जितेको १ र ६ वडामा वडाअध्यक्ष मात्रै कांग्रेसले जित्दा अन्य सदस्य भने एमालेका उम्मेदवार विजयी बने । एमाले भने जितेका वडामा सबै प्यानलैसहित विजयी बन्यो ।
