उदयपुर जिल्लाको उदयपुरगढी गाउँपालिका अध्यक्षमा नेकपा (एकीकृत समाजवादी)का उम्मेदवार मानबहादुर केप्छाकी मगर निर्वाचित हुनु भएको छ । सत्ता गठबन्धन दलका तर्फबाट उम्मेदवार केप्छाकी मगर २०७४ सालमा एमालेबाट निर्वाचित अध्यक्ष हुनुहुन्थ्यो ।
केप्छाकी मगरले ४ हजार ९४२ मत ल्याएर निर्वाचित हुनु भएको हो । उहाँका निकटतम प्रतिस्पर्धी नेकपा एमालेका गोपाल खत्रीले ४ हजार ११४ मत प्राप्त गर्नु भएको थियो ।
त्यसैगरी उपाध्यक्षमा नेपाली कांग्रेसका जितबहादुर खड्काले ४ हजार ६४८ मत ल्याई विजय हासिल गर्नु भएको छ । उहाँकी प्रतिद्वन्द्वी एमालेकी शोभाकुमारी मगरले ३ हजार ८६३ मत ल्याउनु भएको निर्वाचन कार्यालयले जनाएको छ ।
