काठमाडौं । गोरखाको शहीद लखन गाउँपालिकामा माओवादी केन्द्रका उम्मेदवार विजयी भएका छन् । गाउँपालिकाको अध्यक्ष र उपाध्यक्ष दुवै पदमा माओवादी केन्द्रका उम्मेदवार निर्वाचित भएका हुन् ।
माओवादीका रमेश बाबु थापामगर ५ हजार ४७४ मतसहित अध्यक्षमा निर्वाचित भए । उनका प्रतिस्पर्धी नेपाली कांग्रेसका नारायण प्रसाद लामिछानेले ४ हजार ४३२ मत ल्याउँदा नेकपा एमालेका उम्मेदवार मनोज कुमार जोशीले ४ हजार ११७ मत ल्याए ।
उपाध्यक्षमा माओवादीकी इन्दिरा तिवारी ४ हजार ९९६ मतसहित विजयी भइन् । उनका प्रतिस्पर्धी नेपाली कांग्रेसकी शर्मीला श्रेष्ठले ४ हजार ४३२ मत ल्याइन् भने नेकपा एमालेकी लुना थापाले ३ हजार ३७८ मत प्राप्त गरिन् ।
