गुल्मी जिल्लाको रेसुङ्गा नगरपालिकाको नगर प्रमुखमा नेपाली कांग्रेसका खिलध्वज पन्थी निर्वाचित हुनु भएको छ । उहाँ नेका गुल्मीका सभापति हुनुहुन्छ । पन्थीले आठ हजार ६१४ मत ल्याएर नगर प्रमुखमा निर्वाचित हुनु भएको निर्वाचन कार्यालयले जनाएको छ ।
उपप्रमुखमा नेपाली कांग्रेसकै अमृतादेवी कुवँरले आठ हजार १९ मत ल्याएर विजयी हुनु भएको छ ।
नगर प्रमुखका नेकपा एमालेका तर्फबाट उम्मेदवार बन्नु भएका राजेन्द्रप्रसाद पाण्डेयले ७ हजार ३२० मत ल्याउनु भएको थियो भने उपप्रमुखमा एमाले उम्मेदवार रीता पाण्डेले ७ हजार २ सय ३१ मत ल्याउनु भयो ।
नगरपालिकामा २३ हजार ५३१ जना मतदाता रहेकोमा १६ हजार २३९ जनाले मतदान गरेका थिए ।
रेसुङ्गा नगरपालिकाका १० वटामा नेपाली कांग्रेसका र ४ वटा वडामा नेकपा एमालेका उम्मेदवार निर्वाचित भएका छन् ।
