नेपाली कांग्रेसका सभापति एवं प्रधानमन्त्री शेरबहादुर देउवाको गृह जिल्ला डडेल्धुराको गन्यापधुरा गाउँपालिकामा नेपाली कांग्रेसले सुरुआती अग्रता लिएको छ ।
यहाँ नेकाको असन्तुष्ट समूहले नेतृत्व गरेको कांग्रेस (बीपी)ले पछ्याइरहेको छ ।
कांग्रेसका तर्फबाट अध्यक्षका प्रत्यासी ईन्द्रबहादुर कार्कीले ५०० मत ल्याएका छन् । उपाध्यक्षमा कांग्रेसकै ज्ञानुकुमारी सेटीले ४५२ मत ल्याएर अग्रता लिएकी छन् ।
कांग्रेस (बीपी)का अध्यक्ष उम्मेदवार सुरेन्द्रबहादुर मालीले २७६ मत ल्याएका छन् । उपाध्यक्षमा भने एमालेका ईन्द्रबहादुर महराले २७५ मत ल्याएर दोस्रो स्थानमा छन् । माओवादी केन्द्रका उपाध्यक्ष उम्मेदवार चन्द्रबहादुर मल्लले १४० मत ल्याएर तेस्रो स्थानमा छन् ।
यो पालिकामा कांग्रेसविरुद्ध नेपाली कांग्रेस (बीपी) र एमालेले चुनावी तालमेल गरेका थिए ।
डडेल्धुराकै अमरगढी नगरपालिकामा पनि नेपाली कांग्रेसले अग्रता लिएको छ । ५०५ मत गणना हुँदा नेपाली कांग्रेसका उम्मेदवार डिल्लीराज जोशीले २३४ मत पाएका छन् ।
उनलाई नेपाली कांग्रेस (बिपी)का उम्मेदवार हरिप्रसाद भट्टले पछ्याइरहेका छन् । उनले २०४ मत पाएका छन् ।
उपप्रमुखमा कांग्रेसका पार्वतीदेवी झुकालले २३७ मत ल्याएर अग्रता लिएका छन् । उनलाई एमालेका यज्ञराज अवस्थीले २०२ मतसहित पछ्याइरहेका छन् ।
