काठमाडौं । नेकपा बहुमतका संयोजक धर्मेन्द्र बास्तोला रिहा भएका छन् । बास्तोलालाईप्रहरीले बुधबार पक्राउ गरेको थियो। उनी बुधबार पोखराको एक कार्यक्रम सकेर नेपालगञ्ज जान लागेका बेला प्रहरीले दाङको भालुवाङबाट पक्राउ गरेको हो ।
प्रहरीको सोधपुछमा बास्तोलाले आफ्नो पार्टीले स्थानीय चुनाव विथोल्ने खालका क्रियाकलाप नगर्ने जानकारी गराएका थिए । साथै बास्तोलाले प्रधानमन्त्री शेरबहादुर देउवा र गृहमन्त्री बालकृष्ण खाँड संग टेलिफोनमा सम्बाद गरेका थिए ।
बास्तोलाकी श्रीमती बिरामी रहेकाले नेपालगञ्जमा श्रीमतीलाई भेट्न जाँदै गर्दा भालुवाङबाट पक्राउ गरिएको हो । नेत्रविक्रम चन्द विप्लवको नेतृत्वमा रहेको नेपाल कम्युनिष्ट पार्टी हालैमात्र विभाजन भएको थियो र त्यसपछि बाँस्तोलाले आफ्नो संयोजकत्वमा नेकपा बहुमत गठन गरेका थिए ।
