पोखरा । नेपाली कांग्रेस पोखरा महानगर कमिटीले मेयरका आकांक्षीलाई २५ हजार रुपैयाँ दर्ता शुल्क निर्धारण गरेको छ । केन्द्रले गरेको सर्कुलर विपरित महानगरले चर्को शुल्क लिएको हो ।
यस्तै, उपमेयरको उम्मेदवारी दर्ताको लागि २० हजार रुपैयाँ दर्ता शुल्क तोकिएको छ । तर, कार्यसमितिले भने उक्त दर्ता शुल्क नभई पार्टीलाई सहयोग होस् भनेर लिएको जनाएको छ ।
पोखरा महानगरमा मेयर र उपमेयर दुबैका लागि १० जना भन्दा बढी आकांक्षी रहेका छन् । मेयर र उपमेयरका लाग आज अपरान्ह ४ बजेसम्म नाम टिपाउन समय तोकिएको छ ।
