एजेन्सी । च्याम्पियन्स लिग अन्तर्गत मंगलबार राति फ्रेन्च क्लब पेरिस सेन्ट जर्मेन (पिएसजी)ले जर्मन क्लब आरबी लाइप्जिगसँग खेल्दैछ ।
पिएसजीका फरवार्ड नेयमारले उक्त खेल गुमाउने भएका छन् ।
चोटको कारण नेयमारले जर्मन क्लबविरुद्धको खेल गुमाउने भएका हुन् । ब्राजिलियन नेयमार विश्वकप छनोटका दौरान उरुग्वेविरुद्धको खेलमा घाइते भएका थिए ।
क्लबले सोमबार नेयमारले च्याम्पियन्स लिगको खेल गुमाउने पुष्टि गरेको हो ।
पिएसजी २ खेलमा ४ अंक जोडेर समूह ‘ए’ को शीर्ष स्थानमा छ भने पुछारमा रहेको लाइप्जिग अंकविहिन छ ।