कञ्चनपुर । केही दिनदेखिको अविरल वर्षाका कारण नदीहरुमा बाढी चलेपछि कञ्चनपुर र कैलालीका टापुमा ७ जना फसेका छन् ।
कञ्चनपुरमा पर्ने महाकालीको भँगालोमा ५ जना र कैलालीमा पर्ने ठुलीगाडको भँगालोमा फसेका २ जनाको उद्धार प्रयास जारी छ ।
कञ्चपुरको भीमदत्त नगरपालिका– ९ खल्लामसेटी भन्ने स्थानमा सोही स्थानका ५ जना महाकालीको भँगोलमा फसेका हुन् । उनीहरुको उद्धारका लागि सुरक्षाकर्मीको टोली पुगेको बताइएको छ । सशस्त्र प्रहरीको बोर्डर आउट पोष्ट (बिओपी) खल्ला र ब्रह्मदेव प्रहरी चौकीबाट सुरक्षाकर्मीको उद्धार टोली सो स्थानमा पुगेको हो ।
यस्तै सुर्खेतबाट उद्धारका लागि नेपाली सेनाको हेलिकप्टर तयार रहे पनि खराब मौसमका कारण उड्न नसकेको बताइएको छ ।