काठमाडौं । मौसम पूर्वानुमान महाशाखाले नेपालमा न्यून चापीय प्रणाली र पश्चिमी वायु प्रणालीको सामान्य प्रभाव रहेको जनाएको छ । हाल भारतको बिहारमा रहेका न्यून चापीय प्रणाली र पश्चिमी वायु प्रणालीको सामान्य प्रभावका कारण बिहीबार बिहानैदेखि देशभर आंशिकदेखि सामान्य बदली रही प्रदेश १ र बागमती प्रदेशका एक वा दुई स्थानहरुमा हल्का वर्षा भईरहेको छ ।
यस्तै दिउँसो देशभर आंशिकदेखि सामान्य बदली रहने सम्भावना रहेको छ भने प्रदेश १, बागमती र गण्डकी प्रदेशहरूका थोरै स्थानहरुमा र बाँकी प्रदेशहरूका एक वा दुई स्थानहरुमा मेघगर्जनसहित हल्का वर्षाको सम्भावना रहेको छ ।
यसैगरी राति पनि देशभर आंशिकदेखि सामान्य बदली रही प्रदेश नं १ र गण्डकी प्रदेशहरूका थोरै स्थानहरुमा र बाँकी प्रदेशहरूका एक दुई स्थानहरुमा वर्षाको सम्भावना रहेको छ ।
