काठमाडौं । नेकपा एमालेको स्थायी कमिटी बैठक सुरु भएको छ । बिहीबारदेखि बसेको बैठकको आज दोस्रो दिन रहेको छ ।
ललितपुरको च्यासलस्थित तुल्सीलाल स्मृति प्रतिष्ठानको भवनमा बसेको बैठकमा एमालेको १० औं महाधिवेशनको तयारी र समसामयिक विषयमा छलफल हुने बताइएको छ ।
हिजो (बिहीबार) बसेको बैठकले मंसिर १० देखि १२ गतेसम्म हुने पार्टीको १० औं महाधिवेशन चितवनमा गर्ने निर्णय गर्दै त्यसका लागि तयारी समिति गठन गरेको थियो ।
