काठमाडौं । भारतीय समकक्षी मनोज मुकुन्द नरवाणेको निम्तोमा आएसंगै भोली प्रधानसेनापति प्रभुराम शर्मा भारत भ्रमणमा जाने भएका छन् ।
सैनिक जनसम्पर्क निर्देशनालयका अनुसार प्रधानसेनापति प्रभुराम शर्मा १५ सदस्यीय प्रतिनिधिमण्डलको साथमा भोली (मंगलबार) बिहान भारत भ्रमणमा जान लागेका हुन् ।
भारतीय राष्ट्रपति रामनाथ कोविन्दबाट शर्माले मानार्थ महारथीको दर्जा ग्रहण गर्ने तयारी रहेको पनि निर्देशनालयले जनाएको छ । प्रधानसेनापति शर्मा कात्तिक २६ गतेका दिन नेपाल फर्कनेछन् ।
