काठमाडौं, १४ पुस । हिजो मात्रै पक्राउ परेर छुटेका मधेसी आन्दोलनका अगुवा सिके राउत आज फेरी पक्राउ परेका छन् ।
महोत्तरीको जलेश्वर नगरपालीकामा आयोजना गरिएको एक कार्यक्रममा जाने क्रममा कार्यकर्ता सहित राउतलाई प्रहरीले पक्राउ गरेको हो ।
सम्बोधनको लागि नगरपालीका चोकमा जाँदै गर्दा उनलाई पक्राउ गरिएको बुझिएको छ । जिल्ला प्रहरी कार्यलयका प्रहरी निरिक्षक नरेश महतोको नेतृत्वमा गएको टोलीले राउतलाई पक्राउ गरेको हो ।
आज विहानै देखि नगरपालिकामा कार्यक्रमको तयारी गरिएको थियो । जनसभाको लागि खटिएका राउतका कार्यकर्तालाई विहानै देखि नै प्रहरीले पक्राउ गरेको थियो ।
पक्राउ पर्नेमा देवेन्द्र चौधरी, सुरेश पाण्डे गजेन्द्र गुप्ता लगायत दुई दर्जन कार्यकर्ता रहेका छन् ।
मधेश टुक्राउने अभिव्यक्ति दिएको अभियोगमा राउतलाई यसअघि पनि पक्राउ गरि राजधानी ल्याइएको थियो ।
